മാരൻ ദൈവത്തിന്റെ നാണം കെട്ട മരണം.
ദൈവങ്ങൾ അങ്ങിനെ മരിക്കാറില്ല. കൊല്ലപ്പെടാറേയുള്ളൂ. സൃഷ്ടിക്ക് ശേഷം ശോഷിച്ചു തൂങ്ങിയ കൈപ്പലകളിൽ നിന്ന് കുഷ്ഠം പിടിച്ച നാല് കൈകൾ മാത്രം സ്വന്തമായുള്ള മാരൻ ദൈവം, എന്ന് ചത്ത് മലക്കും എന്ന് മാത്രമായിരുന്നു കുറച്ച് കാലത്തേക്ക് ക്ഷമാശീലരായ വിജിഗീഷുകൾ വീക്ഷിച്ചു കൊണ്ടിരുന്നത്. എന്നാൽ അവരെയൊക്കെ ഞെട്ടിച്ചു കൊണ്ട്, മനുഷ്യ മനസ്സിലെ മറവിയുടെ കാണാക്കയങ്ങളിൽ നിന്നും മാരൻ ദൈവം വിശ്വാസത്തിന്റെ പരകോടിയിലേക്ക് വീണ്ടും റിലീസാവുന്നത് ഇരുപതാം നൂറ്റാണ്ടിന്റെ അന്ത്യത്തോടെയാണ്.